Гродзенскі ўніверсітэт ладзіць рэкламны тур

|

Выстава-кірмаш “Адукацыя і кар’ера-2013. ГрДзУ імя Янкі Купалы” пройдзе ў Гродне, Лідзе, Наваградку і  Ваўкавыску.


На выставу запрашаюцца будучыя абітурыенты, іх бацькі и педагогі.

Універсітэт прадставіць свае дасягненні, прэзентуе факультэты, правядзе майстар-класы і семінары з удзелам студэнтаў.

Абітурыенты змогуць спраўдзіць свае веды ў рашэнні тэставых заданняў па ўсіх чатырнаццаці прадметах ЦТ, атрымаць індывідуальную кансультацыю, вызначыць узровень прафесійнай прыгоднасці.

 

13 кастрычніка выстава-кірмаш спыніцца ў Наваградку (будынак сельскагаспадарчага прафесійнага ліцэя, вул.Мінская, 68).

14 кастрычніка – у Ваўкавыску (аграрны каледж, вул.Перамогі, 52).

20 кастрычніка – Ліда, вул.Янкі Купалы, 2, раённы дом культуры.

21 кастрычніка – Гродна (корпус па вул.Леніна, 32).

 

Пачатак працы выставы-кірмаша – 11 гадзін.

 

Паводле http://www.grsu.by