Тэатр лялек рыхтуецца да пераезду ў гістарычны будынак
Дакладных тэрмінаў называць ніхто не бярэцца.
На адкрыццё запрошаныя прадстаўнікі Міністэрства культуры, гарадскіх і абласных уладаў, беларускія лялечнікі і госці з Польшчы і Літвы.
Як распавяла “Твайму стылю” літаратурны рэдактар тэатра лялек Марына Блажыеўская, апошнім спектаклем на сцэне драматычнага тэатра, дзе акторы тэатра лялек працавалі ўвесь апошні год, і першым спектаклем на абноўленай роднай сцэне стане “Пікавая дама”.
Рэканструяваны будынак тэатра лялек набыў больш аўтэнтычны выгляд звонку – на фасад вярнулі дзьве вежы, а ўнутры стане больш зручным і функцыянальным.
Файе змянілася да непазнавальнасці, глядацкую залу ўпрыгожылі новыя крэслы, на кулісы з зялёнага аксаміту пайшло 320 метраў нямецкай тканіны. Затое агароджа і жырандоль засталіся ранейшыя – адрэстаўраваныя.
Кіраўніцтву тэатра давялося змагацца за кожнае месца ў глядацкай зале – паводле санітарных нормаў і патрабаванняў пажарнай бяспекі, колькасць глядацкіх крэслаў пасля рэканструкцыі скарацілася.
У абноўленым будынку з’явілася асобнае памяшканне пад музей гісторыі тэатра лялек, які раней мясціўся літаральна ў кутку. Праца над экспазіцыяй пакуль не скончаная.
Рэканструкцыя двухсотгадовага будынка тэатра лялек скончаная за год.
Адразу пасля вяртання калектыва ў гістрычны будынак пачнецца сезон навагодніх ранішнікаў: сёлета тэатр плануе па тры ранішніка і тры спектакля штодня.
Здымак http://grodnonews.by