У Ашмянскім раёне ствараюць віртуальны музей Дугі Струвэ

|

Экспанаты ўжо сабраныя ў адным з памяшканняў бібліятэкі: геаграфічныя мапы і кнігі, прысвечаныя Дузе Струвэ, партрэты яе стваральнікаў, інфармацыя пра ўсе знойдзеныя геадэзічныя пункты дугі.

 

У лютым 2013 года ў Інтэрнэце па адрасе www.struve.by  з’явіцца і віртуальны музей.

Музей будзе знаёміць не толькі з навуковым значэннем Дугі Струвэ, але таксама з культурай і традыцыямі народаў, праз землі якіх яна была пракладзена.

 

Сярод мэтаў стварэння музея – раскрыццё гісторыка-культурнага патэнцыялу Дугі Струвэ, навуковай значнасці рэгіёнаў, праз якія яна праходзіць, павышэнне турыстычнай прывабнасці аб’екта.

 

Дуга атрымала назву ў гонар кіраўніка даследвання, астранома і геадэзіста Федэрыка Струвэ (Васіля Якаўлевіча Струвэ). Дуга стваралася з мэтай вызначэння формы і памераў зямной паверхні, выглядае як сетка з 265 пунктаў на тэрыторыі 10 краін. У кожным пункце закладзены ў зямлю каменныя кубы з даўжынёй рабра 2 м, агульнай працягласцю 2820 км.

 

Дзякуючы гэтым аб’ектам было даказана, што Зямля мае форму не ідэальнага шару, а эліпсоіда.

Дакладнасць выкананай ў сярэдзіне 19 стагоддзя працы пацьвердзілі сучасныя касмічныя здымкі.

 

Першыя пункты геадэзічнай Дугі Струвэ ў Беларусі знойдзеныя ў 2001 годзе.Усяго іх было 31, захаваліся 19, 5 з іх – у Ашмянскім раёне.

 

Паводле http://www.belta.by

Здымак http://www.interfax.by