12-гадовы хлопчык абкрадаў кватэры гарадзенцаў

|

У міліцыю пачалі звяртацца жыхары Вішняўца, з кватэр якіх у момант іх прысутнасці знікалі  рэчы. У асноўным гэта былі сумачкі з дакументамі і грашыма. Пазней частку рэчаў людзі знаходзілі ў пад’ездах.

 

Спачатку міліцыя падазравала цыган, якія падобным чынам “працавалі” ў Гродне ў 1990-ых гадах: яны ўваходзілі ў кватэры, дзверы якіх не былі зачыненыя і бралі тое, што бачылі, а калі трапляліся на вочы гаспадарам, казалі, што памыліліся кватэрай.

 

Знайсці злодзея дапамагла відэакамера ў пад’ездзе. Міліцыя высветліла асобу хлопчыка і разам з мамай запрасіла ў РАУС.

 

Хлопчык сцвярджае, што схему крадзяжоў прыдумаў сам.

Частку грошай і дакументы з апошняй здабычы маленькага злодзея атрымалася вярнуць гаспадарам.

 

Хлопчык выхоўваецца ў шматдзетнай сям’і, яго старэйшы брат мае судзімасць.

 

Паводле http://www.belta.by  

Здымак  http://inoyabrsk.ru