“Свет Праваслаўя” – дабрачынная фотавыстава ў Гродне
Сродкі ад яе правядзення пойдуць на патрэбы Дабрачыннай сталовай для дзяцей-сірот і дзяцей з праблемных сямей.
Арганізатары выставы – часопіс “Поколение” і Аддзел па царкоўнай дабрачыннасці і сацыяльнаму служэнню Гродзенскай епархіі.
Перад уваходам будзе стаяць скарбонка: кожны наведнік атрымае дабрачынны білет і зможа скласці ахвяраванне.
На выставе прадставяць 60 фотаздымкаў на тэму сацыяльнага служэння царквы.
Фатограф Ігар Ждановіч:
– Гэта здымкі з Дня дабрыні, які прайшоў летам пад эгідай Гродзенскай епархіі і Дабрачыннага таварыства, з мерапрыемстваў мотапрабегу ў абарону ненароджаных дзяцей, будуць працы на сацыяльную тэму фатографа Аляксея Бібікава, ёсць здымкі з архіва.
Сама ідэя прыйшла да нас на фестывалі праваслаўных СМІ ў Маскве.
Копіі змешчаных на сценах фотаздымкаў можна будзе ўзяць з сабой на памяць.
Здымак Ігара Ждановіча