Анімацыйная выстава “Чэскі кроцік” адкрыецца ў Гродне

|

Знакаміты персанаж мультфільма пра смешнага кроціка, які ўвесь час трапляе ў прыгоды, скарыў гледачоў 80-ці краін, а першая серыя мультыка нават атрымала “Залатога ільва” Венецыянскага кінафестывалю ў 1957 годзе.


Прыдумаў і намаляваў незабыўнага кроціка чэскі мастак і пісьменнік Здэнэк Мілер.

 

7 сакавіка ў Гродзенскай выставачнай зале адкрыецца выстава ілюстрацый, прадстаўленых дачкой стваральніка знакамітага персанажа Катаржынай Мілер.

Арганізатары выставы – пасольства Чэхіі і Беларускі дзяржаўны ўніверсітэт культуры і мастацтва.

 

 

На вернісажы наведнікаў чакаюць прыемныя сюрпрызы і дэманстрацыя мультфільмаў.

 

Адкрыццё выставы – у 16 гадзін.

 

Усяго ёсць 60 серый мультфільма, але ў архіве шмат невыкарыстаных ілюстрацый, таму, магчыма, гледачы яшчэ ўбачацьновыя прыгоды нястомнага кроціка.