Орхускі цэнтр шукае валанцёраў на ачыстку берагоў Котры

|

Ідэя належыць уладальніку аграсядзібы каля вёскі Галавачы.

Прапанову падтрымалі ў Орхускім цэнтры ў Гродне.

 

Тэматычны каардынатар цэнтра Іаланта Рамановіч:

 

Наша задача – прыцягнуць як найбольш валанцёраў.

Працы вельмі шмат, неабходна ачысціць абодва берагі Котры, гэта прыкладна 6 км у адзін бок.

 

Завалы перашкаджаюць перамяшчэнню па рацэ, а калі іх прыбраць, – можна будзе арганізоўваць сплавы на байдарках.

Разлічваем, што акцыя будзе не разавым мерапрыемствам.

Ужо размаўлялі з прадстаўнікамі ўніверсітэта імя Янкі Купалы, Аграрнага, БІПу, яны нашу акцыю абяцалі падтрымаць.

 

Валанцёрам можа стаць кожны, хто мае жаданне дапамагчы.

Для гэтага неабходна патэлефанаваць на нумар  74-05-70.

 

Валанцёраў даставяць на месца, забяспечаць інвентаром.

Гаспадар аграсядзібы абяцаў дапамагчы з арганізацыяй начлегаў, правядзе экскурсію на наваколлю, пакажа вельмі рэдкія расліны, якія цудам захаваліся на Гарадзеншчыне.

 

Орхускі цэнтр у Гродне плануе першую акцыю па расчыстцы берагоў Котры зладзіць ужо ў пачатку траўня.

 

Здымак Наталлі Косар з http://www.fotobel.by