Афіцыйнае беспрацоўе на Гарадзеншчыне імкліва скарачаецца

2 красавіка 2013 Кася Крот |

На канец лютага ў рэгіёне было 3 тысячы афіцыйных беспрацоўных.

Гэта 0,6% ад эканамічна актыўнага насельніцтва.

Крыху вышэй (0,7%) узровень беспрацоўя ў Ваўкавыскім, Лідскім, Свіслацкім, Шчучынскім раёнах і самім Гродне.

Жанчыны складаюць 41,4% ад агульнай колькасці беспрацоўных.

За першыя 2 месяцы 2013 года на ўлік пастаўлена 5100 чалавек, якія звярнуліся па дапамогу ў працаўладкаванні.

3800 з іх прызнаныя беспрацоўнымі.

На адну заяўленую вакансію месяц таму ўмоўна даводзілася 0,5 беспрацоўных.

75,8% вакансій прызначаныя для працаўладкавання працоўных.

Сярэдні памер выплат на аднаго беспрацоўнага ў лютым складаў 166 тысяч 400 рублёў – 17,5% ад бюджэту пражытачнага мінімуму.