У Гродне пройдзе пяты фестываль джазавай музыкі
Сёлета на фэст з’едуцца больш за 10 джазавых калектываў альбо калектываў, якія маюць у рэпертуары джазавую праграму.
Адкрыццё фестывалю і першы канцэрт адбудзецца 29 чэрвеня ў 19.30.
Зайграюць Біг-бэндГродзенскай абласной філармоніі (адзін з ініцыятараў правядзення “Гродна-джаза”), Эстрадна-духавы аркестр Гродзенскага абласнога упраўлення МНС і “Beatles’n’Jazz” з Вільні (адзіны замежны госць сёлетняга фэсту).
30 чэрвеня, па словах в.а. намесніка дырэктара па гастрольна-канцэртнай дзейнасці Гродзенскай абласной філармоніі Людмілы Волчак, прадставіць больш актыўную джазавую музыку і хутчэй арыентаваны на моладзь.
У гэты дзень выступяць:
Fat Jazz Band
Аляксандр Белкін (Вільня)
ModalDance Project”Footprints” (Мінск)
A-Venue (Мінск)
Green Stream (Мінск)
City Jazz Quartet (Мінск)
Jazz Pages (Мінск)
Трыа Гарачага (Мінск)
«Barilazzband» (Мінск)
Шоу-аркестр Аляксандра Ліпніцкага (Мінск)
Пачатак канцэрта – 16.00.
На адкрытай пляцоўцы арганізатары гатовыя падрыхтаваць месцы для 1000 гледачоў.
Кошт квітка на канцэрт 29 чэрвеня – 60 тысяч рублёў, 30 чэрвеня – 100 тысяч.
Квіток адразу на 2 канцэрта будзе каштаваць 150 тысяч рублёў, а ў дні фестываля квіткі падаражэюць.