Аварыю справакавалі састарэлыя парушальнікі

15 ліпеня 2013 Кася Крот |

На перакрыжаванні ў Іўі старэйшы з іх, які на жыгулях выязджаў з другаснай дарогі, парушыў патрабаванні знака”Рух без спынення забаронены”.

Другі ўвогуле не меў правоў кіравання транспартным сродкам і ехаў на мапедзе, што належыў іншаму чалавеку.

У выніку сутыкнення двух парушальнікаў, адзін з іх апынуўся з пераломам у шпіталі.

Вінаваты ў ДТЗ, якое адбылося ў прыгарадзе Слоніма, таксама не меў правоў.

Тым не менш, кіраваў “Опелем”.

Парушальнік перавысіў хуткасць, і аўтамабіль апынуўся ў кювеце.

Пасажыр, які ехаў на пярэднім крэсле, атрымаў цяжкія траўмы і змешчаны ў рэанімацыю.

Кіроўца ў свой час страціў права кіравання транспартным сродкам за тое, што сядаў за руль у стане алкагольнага ап’янення.