На Гарадзеншчыне жыве каля 10% беларускай моладзі
На 1 студзеня 2013 года ў Беларусі пражывалі 2 мільёны 239 тысяч маладых грамадзян ва ўзросце ад 14 да 31 года.
Гэта 23,7% ад агульнай колькасці насельніцтва краіны.
Каля 38% моладзі (847,1 тыс. чалавек) пражывае ў Мінску і Мінскай вобласці.
Найменьш моладзі ў Магілёўскай (10,9%) і Гродзенскай (10,6%) абласцях.
Самая шматлікая ўзроставая група моладзі ў Беларусі – 25-30 гадоў (930,1 тыс. чалавек).
У гарадах жыве 82,7% беларускай моладзі. За апошнія 8 гадоў вясковай моладзі паменела на 30% (166,7 тыс. чалавек).
Толькі летась з вёскі ў горад выехалі больш за 40 тысяч чалавек.
Па колькасці моладзі, якая атрымлівае сярэднюю спецыяльную і вышэйшую адукацыю (621 чалавек на 10 тысяч), Беларусь саступае толькі Рэспубліцы Карэя (686), ЗША (667) і Расіі (660).
На сёння на 1000 маладых грамадзян у краіне прыходзіцца 169 чалавек з вышэйшай адукацыяй і 245 – з сярэдняй спецыяльнай.
Паводле http://www.belta.by
Здымак http://mctb.ru