Дзень вяселля стаў апошнім для брата нявесты

2 верасня 2013 Кася Крот |

Госці вярталіся дамоў на мікрааўтобусе. Ужо амаль даехалі да горада, калі заўважылі, што траюраднага брата нявесты няма.

Мікрааўтобус нанялі на замову, таму маладыя вырашылі спачатку развезці ўсіх прысутных, а пасля ехаць на пошукі адсутнага.

На таксоўцы вярнуліся на базу адпачынку, але сваяка там не знайшлі.

Позна ўвечары, калі вярталіся дамоў, заўважылі аварыю на 267-ым кіламетры аўтадарогі “Мінск-Гродна” і спыніліся.

На асфальце ўбачылі цела брата.

32-гадовы мужчына перабягаў дарогу і загінуў пад коламі “Фальксвагена”, што ехаў у кірунку Гродна.