90-гадовая жанчына і яе сын-пенсіянер загінулі ў пажары ў Лідзе

90-гадовая жанчына і яе сын-пенсіянер загінулі ў пажары ў Лідзе

Памяшканне, у якім жылі састарэлыя маці з сынам, было моцна задымленае.

Патушыўшы агонь, байцы МНС знайшлі ў пакоі людзей без прыкмет жыцця.

Сярод версій пажара – неасцярожнае абыходжанне з агнём, парушэнне правіл эксплуатацыі электраабсталявання і электрасетак.

Не выключана, што ў вільготны вечар гаспадары дома ўключылі абагравальнік альбо запалілі ў печы.

Да ночы было яшчэ далёка, але, магчыма, сталыя людзі заснулі і не заўважылі, як распачаўся пажар.

У падобных выпадках уратаваць жыццё можа толькі аўтаномны пажарны апавяшчальнік, – МНС заахвочвае ўсіх людзей сталага ўзросту ўсталёўваць апавяшчальнікі ў сваіх дамах.

Паводле Гродзенскага абласнога упраўлення МНС, выпадкаў масавай гібелі людзей на пажарах на Гарадзеншчыне не было з 11 траўня. Тады трагедыя здарылася таксама ў Лідзе.

Усяго з пачатку года на Гарадзеншчыне здарылася 593 пажара, у якіх загінула 52 чалавека ( у 5 выпадках гінулі адразу па 2 чалавекі, у пажары 7 красавіка – адразу трое).

Летась за аналагічны перыяд было зарэгістравана 677 пажараў з 75 загінулымі.

Пераважная большасць пажараў, па-ранейшаму, здараецца з-за неасяцрожнага абыходжання з агнём саміх пацярпелых.

Здымак http://mchs.gov.by