Гарадзенцы тлумачаць, чаму ў Польшчы таннейшыя тавары
“Якасць лепшая тавараў і таннейшыя, таму што лепей пра іх думае дзяржава польская”.
“Сярод маіх знаёмых ніхто больш за трыста долараў не атрымлівае тут, у Гродне. Такое ў нас няправільнае цэнаўтварэнне, наколькі я магу меркаваць. Я — па адукацыі эканаміст. Нейкія перакосы ёсць, значыць, калі адзін чалавек прымае рашэнне, каб зацвердзіць кіраўніцтва ўсіх прадпрыемстваў. Паколькі асноўная доля прадпрыемстваў у нас дзяржаўная. Таму атрымліваецца: раз чалавек усё на сябе замкнуў, ён за ўсё і адказвае, ён павінен вырашаць гэта”.
“Мне здаецца, там прадукцыя больш канкурэнтаздольная. Чаму танней? Можа, таму, што там Еўрасаюз? Эканоміка, можа, нестабільная крышку ў Беларусі. Інфляцыя пастаянная, таннее наш рубель адносна долара, таму і расце цана на прадукцыю”.
“Шчыра кажучы, я не езджу, гэтым бізнесам не займаюся. А прычына? Напэўна, эканоміка наша слаба працуе, я так разумею. Значыць, штосьці не ў парадку ў кагосьці. У кіраўніцтва. Я думаю, гэта вышэй будзе: прэзідэнт”.
“Іх, напэўна, фінансуе Еўрасаюз, а ў нас такога няма. Мы на самажывучасці жывем…”
“Эканамічная сітуацыя ў нас, напэўна, не вельмі добрая. Залежыць ад Савета міністраў”.
“Я — без паняцця. У мяне візы няма, жыву тут і не маю магчымасці ездзіць у Польшчу. Але хутка атрымаю карту паляка і паеду”.
“Прычына — у эканоміцы нашай. Таму што мы застылі ўжо. А цэны, калі шчыра, — гэта адзін з метадаў выпампоўкі грошай з насельніцтва. Для таго каб папоўніць казну, трэба выпампаваць грошы. А гэта можна зрабіць як? Падвышэннем цэнаў на тавары штодзённага попыту”.