“Смешныя грошы” Рэя Куні на сцэне Гродзенскага драмтэатра
На сцэне Гродзенскага драмтэатра камедыя па пьесе Рэя Куні пройдзе 1 кастрычніка.
“Я не шукаю “сюжэт камедыі” альбо “забаўляльную лініюсюжэтнай гісторыі”, – напісаў Рэй Куні ў сваіх “Правілах фарсу”. – Я шукаю трагедыю. Фарс, больш чым камедыя, роднасны трагедыі…
Усё, што адбываецца на сцэне, павінна лёгка ўсспрымацца гледачом… Мова вельмі простая, на ўзроўні жыцейскага… Дзве гадзіны, якія глядач правядзе ў тэатры – гэта дзве рэальныя гадзіны ў існаванні персанажаў. Ніякага перапынку.”
“Смешныя грошы” адпавядаюць гэтаму правілу.
Сціплы бухгалтар звыкла едзе ў метро і… знаходзіць чамадан з грашыма. Ды яшчэ ў дзень нараджэння! Ды яшчэ фунтаў сцерлінгаў!
Ён, як прыстойны чалавек, даязджае да дому, да жонкі, да святочнага стала, але, … трэба нешта рабіць!
Лепш за ўсё – пачаць новае жыццё, таму што ні праца, ні звыклы побыт не сумяшчальныя з валізкай грошай.
І цяпер бухгалтар занепакоены тым, як найхутчэй з’ехаць на бяспечную адлегласць і не выклікаць падазрэнняў.
Але тлумачэння патрабуюць то сябры, то паліцыя, то таксіст, да таго ж у чамадана з’явіўся мафіёзны гаспадар.
Кожны з іх дзеля грошай гатовы на ўсё.
Пачатак спектакля “Смешныя грошы” -19.00.
Квіткі можна набыць у касе драмтэатра.
Узроставыя абмежаванні: 14+.
