У Гродне адкрылася першае ў Беларусі ганаровае консульства Украіны

|

На цырымоніі прысутнічалі Амбасадар Украіны ў Беларусі спадар Міхаіл Ежаль і Генеральны консул Украіны ў Брэсце Алег Мысык, а таксама дыпламаты іншых краін, прадстаўнікі гарадскіх і абласных улад.

 

Спадар Міхаіл Ежаль адзначыў, што консульства ў Гродне – першае Ганаровае консультва Украіны ў Беларусі.

 

“Гэта структура Міністэрства замежных спраў Украіны, якая будзе дапамагаць ва ўмацаванні адносін у шматлікіх сферах: эканоміцы, культуры, турызме, будзе арганізоўваць элементарную дапамогу грамадзянам Украіны, якія сутыкнуцца тут з нейкімі праблемамі”, – расказаў спадар Алег Мысык.

 

Ён таксама дадаў, што цяпер у будынку Ганаровага консульства зможа працаваць выяздная камісія генконсульства ў Брэсце. Раней памяшканні ёй прадстаўляў гарвыканкам.

Консул Алег Мысык і Амбасадар Міхаіл Ежаль

 

Валянцін Байко

 

Амбасадар Міхаіл Ежаль і старшыня гарвыканкама Андрэй Худык апынуліся землякамі: спадар Ежаль з Вінніцы, а Худык – з Хмяльніцкай вобласці.

 

Месца працы новага консула. Яго ў дзень адкрыцця асвяцілі прадстаўнікі праваслаўнай царквы

Консульства будзе адчынена ў працоўныя дні з 9.00 да 18.00. Плануецца, што там будуць працаваць тры супрацоўнікі.