Польшча атрымала дазвол на адкрыццё візавых цэнтраў у Беларусі
Пісьмовая згода беларускіх уладаў на стварэнне ў нашай краіне польскіх візавых цэнтраў была перададзеная ў час перамоваў польскага дыпламата з кіраўніцтвам беларускага міністэрства замежных справаў.
Цяпер польскія ўлады будуць вырашаць, дзе і калі будуць адчыненыя такія цэнтры.
Арганізоўваць працу візавых цэнтраў будуць абраныя на конкурснай аснове фірмы.
Менавіта яны будуць прымаць ад беларусаў дакуманты на атрыманне візы і выдаваць пашпарты з пастаўленымі візамі.
Па словах Арлоўскага, такая практыка ўжо спраўдзіла сваю эфектыўнасць у Расіі і Украіне.
У Беларусі такую сістэму выдачы сваіх візаў ужо арганізавала Вялікабрытанія.
Як адзначыў Томаш Арлоўскі (Tomasz Orlowski), сёння польскія дыпламатычныя пляцоўкі ў Беларусі выдаюць палову шэнгенскіх візаў, якія выдаюцца краінамі Еўразвязу.
Паводле: polskieradio.pl
На здымку: Томаш Арлоўскі ў час візіту ў Мінск наведаў Курапаты, дзе пахаваныя ахвяры сталінскіх рэпрэсій.
Фота: Włodzimierz Pac, Polskie Radio