“Нёман” згуляў унічыю з аўтсайдэрам чэмпіянату
Абедзьве каманды прадэманстравалі ў Магілёве досыць шэры футбол.
Нічыя з лікам 0-0 была б лагічным вынікам такой сустрэчы, але ў другім тайме галы ўсё ж здарыліся.
Спачатку нападнік гаспадароў Аляксандр Сазанкоў на 52-й хв. “праціснуў” двух абаронцаў “Нёмана” і з дапамогай штангі адкрыў лік у сустрэчы.
А вось Паўлу Савіцкаму на 76-й хвіліне дапамог рыкашэт ад гульца гаспадароў, пасля чаго лік стаў роўным.
Для Паўла гэта ўжо 9-ты гол у сёлетнім чэмпіянаце.
Да канца чэмпіянату гарадзенцам застаецца згуляць яшчэ 4 гульні. Зараз “Нёман” ідзе на 9-м месцы.
26 кастрычніка. “Днепр”, Магілёў – “Нёман”, Гродна 1-1