Сталыя гарадзенцы зладзілі калядную вечарыну
Калядна-навагоднія вечарыны традыцыйна ладзяцца ў гарадзенскім “Універсітэце Залатога Веку” для сталых людзей з 2010 г.
Сёлета ўдзел у імпрэзе ўзяло больш за сто чалавек.
Вечарына распачалася з выступаў хору “УЗВышша”.
Пасля харыстаў на сцэну выйшлі акторы з тэатральнай студыі “Універсітэту Залатога Веку”.
Затым пасля невялікага святочнага пачастунку адбыўся конкурс на лепшыя карнавальныя касцюмы, у якіх сёлета прыйшлі амаль усе ўдзельнікі вечарыны.
Імпрэзу ўпрыгожваў музыкай квартэт “Скрыжаванне”.
У час каляднай вечарыны таксама адбыўся дабрачынны аўцыён, на якім прадаваліся вырабы, зробленыя рукамі слухачоў УЗВ, а таксама валанцёраў і падапечных “Гродзенскага дзіцячага хоспісу”.
Усе атрыманыя на аўкцыёне сродкі будуць перададзеныя на патрэбы цяжка хворых дзяцей.
“Універсітэт Залатога Веку” (УЗВ) працуе ў Гродне з красавіка 2010 г.
Зусім нядаўна гэтая адукацыйна-асветніцкая праграма для сталых людзей была прызнаная “Лепшай адукацыйнай падзеяй года” у Беларусі.
Фота Святланы Ахцераковай