Дзе на Гарадзеншчыне жыць добра: жыллё
Усе выкарыстаныя намі дадзеныя атрыманыя з адкрытай крыніцы – звестак абласнога ўпраўлення статыстыкі.
Пачнем з інфармацыі пра тое, у якіх раёнах Гарадзеншчыны па стане на канец 2013 г. будавалі найбольш кватэр у разліку на 100 тыс. жахароў.
Як бачым, як і ў выпадку з заробкамі і занятасцю тут у лідэрах зноў Астравецкі раён. Прычына тая ж – з-за будаўніцтва Астравецкай АЭС у раён прыехала вялікая колькасць новых людзей, што справакавала сапраўдны будаўнічы бум.
Па колькасці пабудаваных кватэр Астравец амаль ў два разы апярэдзіў Гродна (10,4).
На трэцяй і чацьвёртай прыступках у гэтай намінацыі нашага рэйтынгу апынуліся Гарадзенскі (8,6) і Дзятлаўскі раёны (8,3).
На фоне лідэраў паказчыкі Бераставіцкага, Зельвенскага і асабліва Свіслацкага раёну выглядаюць зусім слабымі.
А можа там няма такой патрэбы ў новым жытле?
Мы прааналізавалі, у якіх раёнах вобласці людзі жывуць найбольш “прасторна”.
І што мы бачым – два з трох аўтсайдэраў у папярэднім рэйтынгу тут сярод лідэраў!
На кожнага жыхара Свіслацкага і Зельвенскага раёнаў прыпанае па 38 метраў жылой плошчы.
Але яшчэ больш (41) на Дзятлаўшчыне, што не замінае там актыўнаму будаўніцтву!
Найбольш шчыльна вымушаныя жыць жыхары Гродна. Тут на кожнага прыпадае ў сярэднім 22 метры жылля.
Такім чынам, падсумоўваем вынікі другой “серыі” ацэнкі якасці жыцця на Гарадзеншчыне.
Будаўніцтва новых кватэр
Лідэры:
1. Астравецкі раён
2. Гродна
3. Гродзенскі раён
Аўтсайдэры:
16-е месца: Бераставіцкі раён
17 месца: Зельвенскі раён
18 месца: Свіслакі раён
Квадратныя метры на чалавека
Лідэры:
1. Дзятлаўскі раён
2. Свіслацкі раён
3. Зельвенскі раён
Аўтсайдэры:
16 месца: Лідскі раён
17 месца: Смаргонскі раён
18 месца: Гродна
У наступным матэрыяле мы прааналізуем дынаміку роста (зніжэння) колькасці насельніцтва, а таксама каэфіцыент смяротнасці ў раёнах Гродзенскай вобласці.
Чытайце таксама:
Дзе на Гарадзеншчыне жыць добра: заробкі і занятасць