Моцны вецер пашкодзіў дамы і фермы на Гарадзеншчыне
Пашкоджаны дахі 55 сельскагаспадарчых будынкаў (у тым ліку 30 фермаў) і 13 прыватных жылых дамоў у Слонімскім, Навагрудскім, Зельвенскім і Ваўкавыскім раёнах. Пацярпелых няма. Для аднаўлення пашкоджаных аб’ектаў неабходна 8003 лісты шыферу.
Для аказання дапамогі ў распілоўцы аварыйных і паваленых дрэваў у 9 выпадках прыцягваліся падраздзяленні МНС:
– у 6 выпадках супрацоўнікі аказалі дапамогу насельніцтву ў распілоўцы дрэваў, што зваліліся на прыватныя жылыя дамы ці пагражаюць на іх абваліцца,
– у 2 выпадках – распілоўвалі дрэвы, што зваліліся на аўтадарогі,
– яшчэ у 1 выпадку – распілоўвалі дрэва, што ўпала на легкавы аўтамабіль.