Здымкі з чэрапам даслаў чытач belsat.eu, патлумачыўшы, што заўважыў парэшткі пару дзён таму. На жаль, калі нашыя журналісты трапілі на месца, чэрапа ўжо не было, але побач з траншэяй будаўнікоў сям-там былі раскіданыя косткі.
Як мяркуе гісторык Ян Лялевіч, гэта можа быць «рэха» пахаванняў пры праваслаўнай царкве св. Міколы, якая тут стаяла яшчэ ад часоў Сярэднявечча. Ужо ў сярэдзіне XVIII ст. ад той царквы засталіся толькі крыж ды могілкі.
Пазней, ў ХІХ ст. пры Архіерэйскім падворку (палац Валіцкага) існавала царква Іаана Прадвесніка, – працягвае гісторык, – Яна добра бачная на малюнках Напалеона Орды. Цалкам магчыма, што нейкія пахаванні былі і пры ёй.
Паводле закону, пра любыя знойдзеныя чалавечыя парэшткі грамадзяне маюць паведамляць у міліцыю.