Нованароджаным у Гродне падарылі вышыванкі
“Узоры на беларускай вышыванцы спакон веку неслі сакральны сэнс, арнамент лічыўся абярэгам для яе ўладальніка. Мы спадзяемся, што нашы падарункі стануць своеасаблівым абярэгам для немаўлят”, – патлумачыла першы сакратар Гродзенскага абласнога камітэта БРСМ Эліна Брага.
У Гродзенскай вобласці акцыя працягнецца 1 ліпеня, павіншаваць з Днём Незалежнасці і ўручыць вышыванкі ў радзільныя аддзяленні адправіцца моладзь і ў іншых раёнах вобласці.
Акцыя “Падары нованароджанаму вышыванку” праводзіцца па ўсёй краіне напярэдадні шырокамаштабнага моладзевага творчага праекта – свята “Дзень вышыванкі”. Асноўныя яго мерапрыемствы пройдуць 2 ліпеня з 12.00 да 23.00 на пляцоўцы каля Палаца спорту ў Мінску.
