Марафон “Гродна-Друскенікі” прэзентуюць на вядучых сусветных забегах
“Нягледзячы на тое, што з моманту мінулага марафону прайшло крыху менш за месяц, ужо прынятыя палажэнне і рэгламент марафону сяброўства “Гродна-Друскенікі-2017″. Папулярнасць адзінага ў Еўропе трансгранічнага марафону расце, і мы робім усё, каб ён станавіўся даступным для яшчэ большай колькасці ўдзельнікаў”, – адзначыў Віктар Лісковіч. Ён падкрэсліў, што на працягу года плануецца правесці маштабную рэкламную кампанію мерапрыемства. У прыватнасці, прэзентацыі ўнікальнага забегу арганізуюць падчас вядучых марафонаў у свеце, у тым ліку ў Маскве і Варшаве.
Настаўніца, натарыўс, чыноўнік, спартсмен: людзі, што прабеглі марафон з Друскенік у Гродна
Змены зведае і афіцыйны сайт марафону. Цяпер ён даступны на пяці мовах. Вядуцца работы па даданні на ім інфармацыі на італьянскай і французскай мовах, каб пашырыць геаграфію ўдзельнікаў.
“У наступным годзе марафон стартуе ў Гродне. Для папулярызацыі здаровага ладу жыцця і бегу будзе арганізавана забаўляльная праграма для ўдзельнікаў і заўзятараў спартыўнага свята: дзіцячыя забегі, забегі на розныя дыстанцыі для тых, хто яшчэ не гатовы пераадолець марафон цалкам”, – адзначыў Віктар Лісковіч. Ён падкрэсліў, што ў наступным годзе чакаецца, што ўдзел у марафоне возьмуць каля 200 спартсменаў. Упершыню плануецца прыцягнуць каманды гарадоў-пабрацімаў Гродна. Прыцягнуць да працы на марафоне і больш валанцёраў, якія валодаюць замежнымі мовамі.
Намеснік старшыні Гродзенскага аблвыканкама адзначыў, што марафон-2016 прайшоў на высокім узроўні, які неабходна захаваць і надалей. Асаблівую адказнасць накладвала і тая акалічнасць, што марафон праходзіць па тэрыторыі дзвюх краін. Падчас праходжання дыстанцыі спартсмены мяжу пераадольвалі без прыпынкаў: пашпартны і мытны кантроль арганізаваны ў месцах старту і фінішу. Падзякі за бездакорную арганізацыю марафону атрымалі і прадстаўнікі дзяржорганаў, пагранічных і мытных ведамстваў, УУС і МНС.