Стратны дзяржзавод у Лідзе хоча стаць філіялам Парку Высокіх Тэхналогій
Як стала вядома TUT.BY, ужо падрыхтаваны праект дэкрэта прэзідэнта, якім прадугледжваецца стварэнне ў Лідзе “Цэнтра апераджальнага эканамічнага развіцця” з прававым статусам філіяла Парку высокіх тэхналогій. Мэта праекта – стварэнне ўмоў для сумеснай дзейнасці ПВТ з прамысловымі прадпрыемствамі, удасканаленне эканамічных умоў для правядзення навукова-тэхнічных распрацовак, прыцягнення ў дадзеную сферу айчынных і замежных інвестыцый, гаворыцца ў абгрунтаванні праекта дакумента. Ва ўмовах вострай неабходнасці павышэння канкурэнтаздольнасці прамысловай прадукцыі беларускіх прадпрыемстваў, актуальным з’яўляецца актыўнае паўсюднае ўкараненне інфармацыйных тэхналогій, як у вытворчыя, так і ў маркетынгавыя, збытавыя, кіраўніцкія і іншыя працэсы прадпрыемстваў рэальнага сектара, пішуць распрацоўшчыкі.
Для стварэння цэнтра прапануецца задзейнічаць плошчы «Лідскага завода электравырабаў» (усяго – 38,1 тыс. кв.м), які знаходзіцца ў падпарадкаванні Міністэрства прамысловасці, а з 2014 года ўваходзіць у склад холдынгу «Мінскі электратэхнічны завод імя В.І.Казлова». Асноўным напрамкам дзейнасці завода з’яўляецца выпуск свяцілень для прамысловага і вулічнага асвятлення. Разам з тым, нават пасля далучэння да холдынгу, на прадпрыемстве не ўдалося загрузіць наяўныя магутнасці і свабодныя плошчы, канстатуюць чыноўнікі. Паводле дадзеных Мінфіна за 2015 года, лідскі завод меў выручку 68 млрд недамінаваных рублёў, чыстая страта – 13,6 мільярда рублёў, а доўгатэрміновыя абавязацельствы складалі 30,8 млрд. У цяперашні час на прадпрыемстве ажыццяўляецца тэхналагічны пераход на святлодыёдную прадукцыю, паўсюдна ўкараняецца «разумная» сістэма кіравання.
Для рэалізацыі праекта прапануецца ўнесці змены ў дэкрэт №12 «Аб Парку высокіх тэхналогій». У прыватнасці, дапоўніць ПВТ відамі дзейнасці прамысловага характару, ажыццяўленне якіх рэзідэнтамі парку будзе дапускацца толькі на тэрыторыі ствараемага філіяла ПВТ. Акрамя таго, перадаць у аператыўнае кіраванне адміністрацыі ПВТ перадаць частку дзяржаўнай нерухомай маёмасці, перададзенага ААТ «Лідскі завод электравырабаў» у бязвыплатнае карыстанне.
На думку кіраўніцтва Гродзенскага аблвыканкама, стварэнне такіх тэрыторый дасць кропкі росту эканомікі гарадоў раённага падпарадкавання, створыць ўмовы для развіцця высокатэхналагічнай, прывабнай вытворчасці для інвестараў, кажа ў абгрунтаванні да праекту дэкрэту. Акрамя таго стварэнне «Цэнтра апераджальнага эканамічнага развіцця» з прававым статусам філіяла ПВТ дазволіць утрымаць у рэгіёне маладых, высокакваліфікаваных спецыялістаў. Нагадаем, у Лідзе функцыянуюць філіял Гродзенскага дзяржаўнага універсітэта імя Купалы і тры прафесійна-тэхнічных ліцэя.
У выпадку паспяховасці рэалізацыі прапанаванага міжгаліновага падыходу гэты вопыт можна будзе ў далейшым распаўсюдзіць і на іншыя рэгіёны, лічаць распрацоўшчыкі дакумента.