![](https://styl.hrodna.life/images/cms-image-000004838.jpg)
“Трылер” паўтарыўся
Нагадаем, што пара тыдняў таму гарадзенцы саступалі па ходу гульні латышскай камандзе 0-5, але здолелі выйсці наперад 6-5. “Дынама-Юніёрс”, аднак, параўняла лік на апошняй хвіліне сустрэчы.
Перамога тады дасталася гарадзенцам толькі ў серыі штрафных кідкоў.
Здавалася, на сваёй пляцоўцы “Нёман”, які знаходзіцца ў турнірнай табліцы куды вышэй латвійцаў, пераможа без праблем.
Аднак госці супраціўляліся да апошняга. Пры ліку 2-1 на карысць гаспадароў (шайбы ў гарадзенцаў на рахунку Лісічкіна і Паўловіча) дынамаўцам зноў удалося параўняць лік на апошняй хвіліне.
І зноў усё вырашылася ў серыі штрафных кідкоў, дзе перамогу нашай камандзе прынёс Бондараў.
Дзякуючы гэтай перамозе “Нёман” па-ранейшаму застаецца на 5-м месцы ў турнірнай табліцы Адкрытага чэмпіянату Беларусі.
19 кастрычніка гарадзенцы згуляюць на сваёй пляцоўцы з лідэрамі чэмпіянату – сталічным “Юнацтвам”.
17 кастрычніка. “Нёман” – “Дынама-Юніёрс”, Латвія 3-2
На здымку: “гарачы лёд” ля брамы гарадзенцаў
Фота Яраслава Ванюкевіча