Свет, які складаецца з гукаў…

|

Кожны з хворых людзей мае свае цяжкасцi… Аб тым, як іх пераадолець, я папрасiла расказаць Валерыя Iванавiча Будніка, iнвалiда па зроку, які працуе ў навучальна-кансультацыйным пункце вячэрняй школы на прадпрыемстве Таварыства сляпых.

 

У Валерыя амаль з самага нараджэння пагоршваўся зрок, а праз некалькi гадоў i зусім знiк. У часе вучобы было вельмi цяжка перасоўвацца, але знаходзiлiся людзi, якiя яму заўсёды дапамагалi, і ў першую чаргу – бацькi. Не было ў тыя часы і камп’ютараў, з дапамогай якiх было б лягчэй вучыцца i хутчэй пазнаваць розную iнфармацыю.

 

Валеры падкрэсліў, якую вялікую патрэбу ў дапамозе маюць сляпыя людзі на вуліцы, у транспарце, у крамах. Напрыклад, не заусёды ў грамадскiм транспарце агучваюцца прыпынкi, і не на кожным перакрыжаванні ўсталяваныя гукавыя светлафоры.

 

Не гледзячы на штодзённыя праблемы і цяжкасці, жыццё патрабуе маленькіх перамог. І каб прыцягнуць увагу да сваіх праблем, людзі з парушэннямі зроку ўжо шмат гадоў праводзяць розныя мерапрыемствы, у тым ліку і «месячнiк белай тросцi», які будзе доўжыцца да 15 лістапада.

>       

   

Зараз у фiлiяле бiблiятэкі iмя Я. Карскага ў аддзеле мастацтваў дзейнiчае творчая выстава iнвалiдаў па зроку, якую можа пабачыць кожны. Можа быць, такім чынам станем бліжэй да тых, у каго свет складаецца з гукаў… І не будзем абмяжоўваць сваю ўвагу да інвалідаў «дзяжурным» месячнікам.

       

   

Фота аўтара