ЛІТОЎЦЫ ЗБУДУЮЦЬ У ГРОДНЕ ФАБРЫКУ…ДЛЯ ШВЕДАЎ

|

Па звестках парталу “Бизнес&Балтия”, будаўніцтвам фабрыкі па вырабу драўляных матэрыялаў для рамонту і будаўніцтва, а таксама мэблі стане літоўская кампанія VMG.

Памер плануемых інвестыцый у праект складае 80-90 млн. еўра. Пад будаўніцтва вылучана 30 гектараў зямлі на тэрыторыі Свабоднай эканамічнай зоны ў Гродне.

Згоду беларускага боку на ўдзел у гэтым праекце літоўцы тлумачаць тым, што ўся вырабленая на фабрыцы прадукцыя будзе накіроўвацца на экспарт, каб не ствараць канкурэнцыі на беларускім рынку для мясцовых вытворцаў.

Асноўным спажыўцом вырабленай у Гродне прадукцыі мае стаць шведская гандлёвая сетка IKEA.

В. Дрэма