Калядаванне па-гарадзенску для ўсіх

|

І.Кузьмініч распавёў “Твайму стылю”:

“ Я падумаў, што варта было б апісаць сцэнар калядавання, каб тыя, хто хоча калядаваць, мелі перад вачыма прыкладны ўзор.

Паспрабаваў патлумачыць людзям, якім чынам арганізаваць калядаванне, наспяваў калядкі і далучыў гукавыя файлы.

Гэты сцэнар паўстаў яшчэ ў 1989 годзе. Першапачаткова яго выкарыстоўвала “Паходня”.

Некалькі год мы такім чынам калядавалі, а пасля быў доўгі заняпад.

Некалькі год таму традыцыя калядавання ў Гародні адрадзілася.

Краязнаўца Ігар Лапеха дапрацаваў канчатковую версію сцэнара, адабраў спевы для калядавання”.

У 2008 годзе гарадзенскі сцэнар калядавання з’явіўся на партале http://dzietki.org, дзе да гэтай пары з’яўляецца адным з лідзераў па праглядах падчас зімовых святаў.

Калядаванне Ігар Кузьмініч разглядае як адзін са спосабаў пашырэння сучаснай беларускай мовы і культуры сіламі грамадзянскай супольнасці.

У ягоных планах стварэнне навучальна-метадычных дапаможнікаў па арганізацыі іншых беларускіх святаў.

Фота Яўгена Здановіча