“Спайс” і насвай пад забаронай
У абноўлены спіс увайшлі складнікі сумесі для палення “Спайс”, якая карыстаецца попытам і атрымала назву “легальшчына”.
Вытворцы “Спайса” дадаюць у яго склад раней не забароненыя ў Беларусі псіхатропныя рэчывы, якія выклікаюць не толькі моцны эфект, але і разбуральна ўздзейнічаюць на псіхіку.
Гэтыя рэчывы выклікаюць ва ўжывальнікаў фізічную і псіхічную залежнасць, пагаршаецца памяць, з’яўляецца пачуццё разгубленасці.
Аматары “Спайса” ў рэшце рэшт робяцца наркаманамі ў класічным разуменні гэтага слова.
Пад забаронай у Беларусі з новага года апынуўся таксама насвай і падобныя прызначаныя для смактання вырабы з табакі.
Паводле інфармацыі http://www.uvd.grodno.by