Ціхан і Дзевятоўскі накіраваліся ў Лазану
Судовае рашэнне мусіць быць прынятае цягам двух месяцаў.
На алімпіядзе ў Пекіне ў спаборніцтвах па кіданні молата Вадзім Дзевятоўскі заняў другое месца, гродзенец Іван Ціхан – трэцяе.
Аднак па выніках допінг-пробаў беларускіх спартоўцаў абвінавацілі ў выкарыстанні забароненых рэчываў і запатрабавалі вярнуць алімпійскія медалі.
Ціхан і Дзевятоўскі катэгарычна адмаўляюць выкарыстанне допінгу і да гэтай пары абараняюць свае інтарэсы ва ўсіх магчымых інстанцыях.
Гэта ўжо абышлося спартоўцам ў 200 тысяч долараў.
Калі беларусаў прызнаюць вінаватымі, Іван Ціхан будзе дыскваліфікаваны на 2 гады, Вадзім Дзевятоўскі, які і раней быў заўважаны ў выкарыстанні допінгу, – пажыццёва.
Паводле http://interfax.by
Фота з сайта http://naviny.by