На Лідчыне гіне рыба
Як патлумачылі “Твайму стылю” у Інспекцыі аховы жывёльнага і расліннага свету, рыба гіне з-за недахопу кіслароду.
З-за моцных маразоў таўшчыня ільда дасягае паўметра.
У вялікай колькасці рыба збіраецца ў каналах, глыбіня якіх таксама прыкладна 0,5 метра.
У гэтай сітуацыі Інспекцыя зняла на вадаёмах Лідчыны абмежаванні адлову рыбы, якая інакш усё адно загіне.
Калі раней ў суткі рыбаку дазвалялася адлавіць да 5 кг, то цяпер можна лавіць, колькі здолееш, адно без выкарыстання браканьерскіх спосабаў.
На вадаёмах Гродзенскага раёна сітуацыя таксама напружаная, аднак выпадкаў замораў рыбы пакуль не было.
Супрацоўнік Гродзенскай раённай інспекцыі аховы жывёльнага і расліннага свету Ігар Малевіч:
Сітуацыю мы кантралюем. На нашай тэрыторыі ёсць група старых дыстрофных азёраў, на якіх могуць узнікнуць праблемы.
Гэта, напрыклад, возера Малочнае, возера ля в. Лакно, Можнева, Доўгае ў Шчучынскім раёне.
Назіраем, робім рэйды, бярэм пробы вады.
Утрыманне кіслароду ў вадзе пакуль у межах нормы.
Калі будзе меньш за 4 млгр на літр вады – гэта ўжо мусіць насцярожваць.
Сітуацыя можа змяніцца ў любы момант, аднак на сёння сігналаў пра заморы рыбы не было”.