Пасварыўшыся з сям’ёй, спаліў дачку і ўнука

|

Пажар здарыўся ў суботу ў вёсцы Монькавічы (Мастоўскі раён).

У абласным МНС паведамілі, што выклік паступіў у 15.02.

Пажар патушылі праз паўгадзіны, аднак дах і перакрыцці цаглянага дома згарэлі, а на пажарышчы знайшлі два целы.

Яшчэ чатыры чалавекі, якія знаходзіліся ў доме падчас пажара, шпіталізаваныя.

Найбольш пацярпеў муж загінулай жанчыны: з апёкамі 40% цела мужчына знаходзіцца ў рэанімацыі.

Там жа жонка гаспадара дома з апёкамі 20% цела.

У бальніцу трапілі таксама знаёмая сям’і – апёкі 12% цела і сын гаспадара з 5 % апёкамі.

Следства зрабіла папярэднія высновы, што дом падпаліў сам гаспадар, які працуе качагарам у бальніцы.

Суседзі паведамілі, што напярэдадні мужчына нападпітку пасварыўся з сям’ёй і пагражаў спаліць хату.

Пажар пачаўся, калі ўсе разышліся па пакоях, а гаспадар застаўся адзін на кухні.

Мужчына затрыманы. Супраць яго распачата крымінальная справа.