Мошчы св.Матроны будуць вандраваць па Гродзеншчыне 25 дзён
Урачыстая богаслужба з акафістам да святой Матроны пачнецца ў Свята-Пакроўскім катэдральным саборы ў 12 гадзін.
Каўчэг з часцінкамі мошчаў святой застанецца ў саборы на тры дні.
Пасля гэтага святыня будзе выстаўлена ў кожным з праваслаўных храмаў горада.
27 красавіка мошчы сустрэнуць у Скідзелі, 29 – у Шчучыне, 1 мая – у Мастах, 3 мая – у Ваўкавыску, 5 мая – у Зэльве, 7 – у Бераставіцы, 9 – у Свіслачы.
Каўчэг з часцінкамі мошчаў святой Матроны прыбудзе ў Гародню з Архангельска.
З 1999 года парэшткі святой захоўваюцца ў маскоўскім Пакроўскім манастыры.
Матрона Ніканава нарадзілася ў 1881 годзе ў сялянскай сям’і ў Тульскай губерні.
Дзяўчынка ад нараджэння была сляпой, пазней у яе адняліся ногі, аднак з дзяцінства Матрона дапамагала людзям сваім дарам ацалення і прароцтва.
Яна памерла ў 1952 годзе і была пахаваная ў Маскве.
На фота: выява іконы св.Матроны з сайта http://s45.radikal.ru