Гродзенец ледзь не загінуў з-за 230 тысяч рублёў

5 мая 2010 Кася Крот |

Апоўначы жанчына пайшла дамоў, пацярпелы таксама збіраўся сыходзіць.

Удар па галаве ён атрымаў, калі спускаўся па лесвіцы ў файе.

Злачынцы скралі ў непрытомнай ахвяры грошы, 2 банкаўскія карткі і з’ехалі на таксі.

Мужчыну адвезлі ў бальніцу, зрабілі трэпанацыю чэрапу, але стан яго застаецца цяжкім.

Праз некалькі гадзін пасля здарэння злачынцаў затрымалі: па нейкіх прычынах яны зноў вярнуліся ў рэстаран.

Гэта аказаліся беспрацоўныя 1981 і 1982 гадоў нараджэння, адзін з іх ужо быў асуджаны за рабаўніцтва.

Размаўляць з супрацоўнікамі міліцыі спачатку абое адмовіліся, а пазней пачалі вінаваціць у злачынстве адзін аднаго.

Ледзьве не забіўшы чалавека, рабаўнікі здабылі ўсяго 230 тысяч рублёў.

Распачатая крымінальная справа па ч.2 арт.207 “Разбой”.