У Гародні пройдуць дні культуры Венесуэлы

|

Дні культуры Венесуэлы і іншых лацінаамерыканскіх краін у Гародні запланаваныя на другую палову года.

Яны будуць прымеркаваныя да 200-годдзя абвяшчэння незалежнасці Венесуэлы.

Х.Марцінас выказаў зацікаўленасць ва ўдзеле дэлегацыі Венесуэлы ў Фестывалі нацыянальных культур, які сёлета ў восьмы раз пройдзе ў Гародні.

Акрамя таго, прадстаўнікі пасольства гатовыя ладзіць у нашым горадзе выставы, канцэрты калектываў з Венесуэлы, адукацыйныя мерапрыемствы.

Мэта наведвання Гародні венесуэльскім дыпламатам, які займае пасаду каардынатара Лацінаамерыканскага культурнага цэнтра імя Сімона Балівара, – устанаўленне кантактаў і пашырэнне супрацоўніцтва ў галіне культуры і адукацыі.

Учора госць агледзеў горад, пабываў на канцэрце музычнага тэатра “Рада”.

Сёння дыпламат сустракаецца з рэктарам Гродзенскага Дзяржаўнага ўніверсітэту імя Янкі Купалы дзеля абмеркавання магчымасцяў студэнцкіх абменаў.

Паводле http://belta.by/

На фота: Лідэр барацьбы за незалежнасць Венесуэлы Сімон Балівар.