На Гродзеншчыне распачаўся сезон “дзіцячых” пажараў

На Гродзеншчыне распачаўся сезон “дзіцячых” пажараў

Супрацоўнікі МНС лічаць, што пажары з-за дзіцячых гульняў з вагнём у большасці выпадкаў здараюцца па віне дарослых.

Сярод апошніх – выпадак на гродзеншчыне, калі бацькі пайшлі на працу, старэйшыя дзеці ў школу, а ў хаце засталіся 5-гадовы хлопчык і яго 6-гадовая сястра. Запалкі дарослыя пакінулі на кухні.

Узяўшы іх, дзеці вылезлі з хаты праз вакно. У сараі яны падпалілі паперу ды смецце і назіралі за вагнём.

Толькі калі вогнішча моцна разгарэлася, дзеці спужаліся і збеглі.

Выратавальнікаў выклікалі суседзі.

Праз дзень падобным чынам развіваліся падзеі ў адным з прыватных дамоў у Слоніме.

Пакуль бабуля была на прыцы, яе 13-гадовы ўнук і 10-гадовая ўнучка на паддашшы рабілі сабе будан са старых матрацаў.

У будане яны забаўляліся тым, што падпальвалі і тушылі аркушы паперы.

Калі забава ім надакучыла, падлеткі пабеглі гуляць у суседні двор.

Дым на паддашшы заўважыў сусед, які і выклікаў выратавальнікаў.

Летась з-за дзіцячых гульняў з вагнём у вобласці здарылася 64 пажары.

Паводле http://mchs.grodno.by