Музей у Новым замку запрашае валанцёраў на раскопкі
Загадчыца аддзела археалогіі Наталля Кізюкевіч:
На гэтай пляцоўцы ніколі не капалі.
Гэта першая спроба ўдакладніць стратыграфію і характар культурнага слоя ў гэтым месцы.
Калі пашчасціць, можам знайсці і пабудовы, але на такой невялікай пляцоўцы нешта прадказаць цяжка.
Даследчыкі пішуць, што ў 12 стагоддзі тут было неўмацаванае паселішча, пасад, – хочам гэта ўдакладніць.
У раскопках, якія ў 90-ыя гады на тэрыторыі замка ладзіў А.Краўцэвіч, былі знаходкі матэрыялаў канца 12 стагоддзя.
Сёлетнія раскопкі працягнуцца каля 20 дзён.
Арганізатары запрашаюць далучыцца да працы валанцёраў.
Калі нехта хоча паўдзельнічаць у раскопках – звяртайцеся ў аддзел археалогіі музея ў Новым замку.