Футбол на колах

|

У Адкрытым чэмпіянаце Беларусі па гэтым відзе спорту гонар гораду бароніць каманда «Азот».

На мінулых выходных гарадзенцы прымалі на сваім полі гасцей з літоўскага гораду Бартува і ўпэўнена перамаглі з лікам 8 – 0.

>

Гісторыя гэтага дзіўнага віду спорту (уявіце сабе матацыклістаў, якія на хуткасці часам пад 100 км на гадзіну ганяюць мяч дыяметрам 40 см!) распачалася ў дваццатыя гады мінулага стагоддзя ў Францыі.

У 30-я гады эстафету ад французаў перанялі англічане, немцы, бельгійцы, італьянцы.

«Азот» супраць «Бартувы»

 

Першая беларуская матабольная дружына была заснаваная ў 1966-м г. на базе Мінскага мотавелазавода.

 

Сёння Беларусь – адна з наймацнейшых матабольных каманд Еўропы. У 2004-м годзе нашыя хлопцы былі чэмпіёнамі кантыненту, яшчэ некалькі разоў выйгравалі срэбраныя і бронзавыя медалі.

 

 

«Твой стыль» звязаўся з трэнерам «Азота» Яўгенам Кашкахам:

 

– Калі быў заснаваны гарадзенскі матабольны клуб і якімі дасягненнямі ён можа пахваліцца?

 

– Каманда «Азот» узнікла ў 1997-м г. З таго часу мы 4 разы былі прызёрамі чэмпіянатаў Беларусі, столькі ж разоў гулялі ў фінале Кубка краіны. Два гульцы каманды выступаюць за нацыянальную зборную Беларусі. Адзін з іх, Віталь Кашкаха – чатырохразовы прызёр чэмпіянатаў Еўропы.

 

Гэта Ваш сын?

 

– Так.

 

– Калі і дзе можна будзе наступным разам убачыць матабол у Гродне?

 

– Наш стадыён знаходзіцца за апошнім прыпынкам тралейбусаў ля вытворчага аб’яднання «Азот», непадалёк ад ціра.

29-31 кастрычніка мы ладзім традыцыйны міжнародны турнір з удзелам каманд з Беларусі, Літвы, Масквы і, магчыма, Украіны. Запрашаем!

 

Як Вас прадставіць нашым чытачам? Вы галоўны трэнер каманды?

 

– І галоўны трэнер, і начальнік, і механік, і таваразнаўца і «даставала»! Як не назавеце – усяляк будзе правільна!

У гульні з літоўцамі лепшым на полі ў складзе гарадзенцаў быў, як і мае быць, Віталь Кашкаха.

На яго рахунку – шэсць галоў!

 

Фота: prosto-free, autogrodno.by