Дэтэктыў гродзенскай настаўніцы з’явіўся ў продажы

Дэтэктыў гродзенскай настаўніцы з’явіўся ў продажы

Дэтэктыў “Денег много не бывает” выйшаў у серыі “Беларускі дэтэктыў” выдавецтва “Беларусь”.

Як паведаміла “Твайму стылю” дырэктар кнігарні “Веды”, сюжэтнае дзеянне кнігі разгортваецца вакол гісторыі аднаго не вельмі шчаслівага абагачэння.

У цэнтры – лёс жанчыны-бізнесмена.

Знікае ўладальніца гасцінічнага комплекса, за справу бярэцца міліцыя. У часе следства высвятляецца шмат нечаканых фактаў.

Прэзентацыя дэтэктыва адбудзецца ў гандлёвай зале кнігарні “Веды” (вул.Ажэшкі,38). Пачатак у 13.00.

Падчас прэзентацыі Галіна Богдан прадставіць сваю першую кнігу, якую можна будзе набыць там  жа, адкажа на пытанні чытачоў, дасць аўтографы, а рэдактар выдавецтва “Беларусь” анансуе чарговы дэтэктыў гродзенскай настаўніцы, які ўжо рыхтуецца да друку.