Радаслаў Сікорскі сустрэнецца з Анжалікай Борыс у Мінску
Як паведаміла “ТС” выконваючая абавязкі старшыні арганізацыі Анжаліка Арэхва, ініцыятарам гэтай сустрэчы выступіў сам Сікорскі.
Асноўнае наша чаканне, – кажа пані Анжаліка, – магчымасць легалізацыі нашай арганізацыі.
Акрамя таго, абмеркавання чакае пытанне штрафа, накладзенага на фірму “Палоніка”.
Анжаліка Арэхва пакуль не хоча казаць пра канкрэтныя тэмы заўтрашняй размовы: “Паглядзім, як будзе развівацца размова, што міністр будзе ў стане нам прапанаваць”.
На сустрэчы з Радаславам Сікорскім будзе прысутнічаць таксама Анжаліка Борыс.
Акрамя сустрэчы з кіраўніцтвам непрызнаванага ўладамі Саюза палякаў на Беларусі, у графіку візіта Радаслава Сікорскага сустрэча з прэзідэнтам Лукашэнкам, міністрам Сяргеем Мартынавым і кіраўніком адміністрацыі прэзідэнта Уладзімірам Макеем.
Паводле http://www.pomorska.pl