Хутаран засяляюць у дом сумеснага пражывання
З ініцыятывай стварэння дома для састарэлых людзей выступілі мясцовыя ўлады.
Для гэтай мэты быў рэканструяваны будынак былога сельскага савета ў аграгарадку Белкаўшчына.
Перасяленцы будуць весці ранейшы лад жыцця, распараджацца сваімі грашыма і ў той жа час будуць пазбаўленыя адзіноты і жыцця ўдалечыні ад цывілізацыі.
На прылеглай тэрыторыі пенсіянеры змогуць нават разбіць агарод.
У дом сумеснага пражывання ўжо засяліліся дзве пенсіянеркі.
Суседзяў да іх будуць падсяляць паступова, каб навасёлы змаглі прывыкнуць адзін да аднаго.
Калі эксперымент сябе апраўдае, то ў Смаргонскім раёне будзе збудаваны яшчэ адзін такі дом.