Габрэйская культура для ўсіх

|

У Гродзенскім габрэйскім абшчынным доме “Мінора” штотыднёвыя заняткі для тых, каго цікавіць габрэйская традыцыя, культура, гісторыя ладзяцца з 2009 года.

 

Тут працуюць 2 групы: для дарослых (у асноўным гэта моладзь) і дзіцячая, для дзяцей бліжэй да падлеткавага ўзросту.

 

Алена Куцэвіч:

У нас ёсць пэўны план, куды ўваходзяць тэмы па гісторыі, традыцыях, літаратуры, мастацкай творчасці, ёсць свае педагогі ў абшчыне, але запрашаем і некаторых выкладчыкаў з універсітэта, а часам нават замежных лектараў.

У мінулы годзе вялікую цікаўнасць выклікалі лекцыі Сямёна Парыжскага, які выкладае ў Пецярбурзе, Маскве, Іерусаліме.

Ад ягонага адкрытага занятка, прысвечанага габрэям сярэднявечнай Еўропы, удзельнікі былі ў захапленні.

 

Дарэчы, на адкрытыя заняткі праекта запрашаюцца ўсе цікаўныя.

Да ўдзелу ў самім адукацыйным праекце ў Гродне таксама можна далучыцца на любым этапе і для гэтага не абавязкова належыць да габрэйскай абшчыны.

 

Фота з сайта http://shanson-e.tk