“Я – будаўнік, таму мне пох…”

Мацюкі апаганьваюць нашу душу


Марына: Я цалкам адмоўна стаўлюся да мату! Бо, на мой погляд, з кожным днём людзі дэградуюць ўсё больш і больш.

Яны ўжо не могуць выказвацца без мацюкоў, у тым плане што ім нават цяжка выказаць свае думкі па-іншаму! А ў адказ на гэта заўсёды: “проста мае пачуцці матам толькі можна і выказаць!”

Ды пра што вы кажаце? У свеце шмат словаў, аб існаванні якіх вы нават не ведаеце!

 

Снежана: Дрэнна! Таму што мацюкі апаганьваюць нашу душу!


Вікторыя: Стаўлюся дрэнна. Сама матам не лаюся і іншым не раю.

 

 

 

 

 

 

 

 

Дзіма: Мацюкі – зло, яны адлюстроўваюць ўзровень дэградацыі чалавека.

Мой брат пры размове ў скайпе ўжывае больш мацюкоў, чым словаў і гэта ўжо як уступныя словы. Гучыць жудасна, улічваючы, што ён іх пастаянна выкрыквае. Гэта наогул разбурае мазгі.

 

 

Мікалай: Адмоўна, вядома. Некультурна гэта, асабліва раздражняе, калі дзеці мацюкаюцца, школьнікі, маленькія – ненатуральна ўсё гэта.

 

 

 

 

 

 

 

Сяргей: Зрэдку лаюся, калі вельмі ўзрушаны. А наогул – не. Я ў нашай краіне да ўсіх на  «Вы». З узростам прыходзіш да гэтага.

 

Танна і злосна

Вераніка: Бывае. У гарачых сітуацыях – чаму не? Зрэшты – я за чысціню мовы, рускай альбо беларускай, але бываюць сітуацыі, калі вырываецца. Ну, з гэтым нічога не зробіш. У прынцыпе, я лічу, што трэба сачыць за тым, што ты кажаш.

 

Арцём: Выказваць свае думкі літаратурнай мовай крута, але з матам атрымліваецца як бы “дёшево и сердито”, таму даходзіць лепш.

 

Аляксандр: Калі прыгожа сказана, то нармальна. Калі без справы ўсюды ўжываць – то гэта дрэнна, а калі ў жарт – то можа і добра выглядаць. Але толькі ў сваёй кампаніі.

 

 

 

 

 

 

 

 

Дзіма: З аднаго боку мат апраўданы, напрыклад, на будоўлі, дзе людзі такім спосабам выпускаюць пар, з прычыны цяжкай неапраўданай фізічнай працы і пастаяннай незадаволенасці. З другога боку, не ў такіх масштабах, як гэта цяпер.

 

Ян: Сам лаюся, за што не вельмі пазітыўна стаўлюся да сябе. Спрабую выпраўляцца …

Нязручна калі, напрыклад, едзеш у грамадскім транспарце, і сябар, з якім ты едзеш, што-небудзь скажа такое, і яшчэ на ўвесь аўтобус, а-ля: “О, Янчык, гэта п***ц!”

 

Віталь: Можа выкарыстоўвацца пры пэўных абставінах. Па працы, можа быць, калі нешта не падабаецца табе, можа яшчэ недзе. Але ў асноўным стаўлюся негатыўна да гэтага.

 

А зрэшты …

 

Дзяніс: Я лаюся заўсёды матам. Я будаўнік, таму мне пох…

 

Валерый: Нармальна, не бачу ў гэтым нічога дрэннага. Хто хоча выкарыстоўвае, хто хоча – не.

 

Антон: Я ведаю аднаго дзеда ў вёсцы, ён сам мацюкі прыдумляе, як толькі што нешта не так – у яго ўтворыцца новы мат.

Гэта карысна. Вызваляе эмоцыі.