“Нёман” выйшаў у фінал Кубка Беларусі па футболе
20 сакавіка гарадзенцы правялі на сваім полі другую паўфінальную гульню супраць бабруйскай “Белшыны”.
Тыдзень таму каманды гулялі ў Магілёве.
Перамогу тады святкавалі гарадзенцы 1:0.
У сустрэчы ў адказ галоў не было ўвогуле – 0:0.
Апошні раз футбалісты “Нёмана” гулялі ў фінале Кубка Беларусі ў 1993 г.
Тады гарадзенская дружына выйграла з лікам 2-1 у рэчыцкага “Ведрыча”.
Напярэдадні сённяшняй сустрэчы па вуліцах Гродна прайшоў “Зялёна-жоўты марш” прыхільнікаў “Нёмана”.
За галоўнымі футбольнымі падзеямі дня скрозь фотааб’ектыў назіраў Яраслаў Ванюкевіч.