Ваенная выстава ў Старым замку
Экспанаты для выставы, якая ладзіцца да 70-ай гадавіны пачатку Вялікай Айчыннай вайны, падбіраліся не толькі з музейных фондаў, але і ў Дзяржаўным архіве Гродзенскай вобласці, з прыватных калекцый і нават з Музея Айчыннай вайны ў Мінску.
Навуковы супрацоўнік Гродзенскага дзяржаўнага гісторыка-археалагічнага музея Андрэй Вашкевіч:
– На мой погляд, выстава ўнікальная.
Упершыню мы столькі ўвагі надалі падзеям акупацыі Гродна, побыту гараджан, ваеннапалонных.
З нашых фондаў прадстаўленая зброя, узнагароды, фотаздымкі.
Унікальныя здымкі нам пазычылі ўладальнікі прыватных калекцый, нямецкую і савецкую форму – Музей Айчыннай вайны.
З абласнога архіва мы маем цікавыя дакументы перыяду акупацыі, сярод якіх абвесткі, пашпарты, дакументы акпацыйных установаў.
Адкрыццё выставы ў Старым замку адбудзецца заўтра ў 16.00.
Выстава будзе працаваць да 3 ліпеня.