Пераблытала педалі

15 красавіка 2011 Кася Крот |

Жыхарка Лідскага раёна, якая атрымала правы пару тыдняў таму, у пачатку пятай гадзіны вечара ехала на “Хундай Акцэнт” па роўнай сухой гравійцы.

Непадалёк ад вёскі Сялец жанчына ўзялася падвезці выпадковых спадарожнікаў: 73-гадовага пенсіянера і 16-гадовага падлетка.

Праз некалькі хвілін, дагнаўшы папутны аўтамабіль, кіроўца вырашыла знізіць хуткасць, аднак памылілася і націснула на педаль газа.

Машына ірванула наперад.

Спужаўшыся, жанчына рэфлекторна вывернула руль улева.

Іншамарка пайшла ў занос, з’ехала ў кювет, уляцела ў дрэвы і перавярнулася.

Сама кіроўца не пацярпела, затое пасажыры трапілі ў бальніцу з шматлікімі траўмамі і пераломамі.

Па словах кіроўцы, хуткасць руху ў момант аварыі была 80 км у гадзіну.

Фота з месца здарэння