“Нёман” застаўся ў сярэдзіне турнірнай табліцы

“Нёман” застаўся ў сярэдзіне турнірнай табліцы

Спачатку малдаўскі “легіянер” на пачатку другога тайму адкрыў лік у сустрэчы, а затым за некалькі хвілінаў да сканчэння матча ўратаваў гарадзенцаў ад паразы.

 

Гэтая сустрэча падвяла рысу пад першым з трох кругам чэмпіянату краіны.

 

Нашая каманда набрала ў ім 14 ачкоў і знаходзіцца ў сярэдзіне турнірнай табліцы.

 

Вынік не самы лепшы, асабліва калі ўлічыць кадравае ўзмацненне “Нёмана”, а таксама амаль двухразовае павышэнне бюджэту клуба ў параўнанні з леташнім сезонам.

 

Рэзерв для паляпшэння месца ў турнірнай табліцы відавочны: трэба часцей выйграваць на сваім полі.

 

З шасці праведзеных гэтай вясной у Гродне матчаў “Нёман” выйграў толькі аднойчы (2:0 у “Белшыны”).

 

Ужо 25 траўня распачнецца другі круг чэмпіянату. “Нёман” у гэты дзень згуляе на сваім полі з наймацнейшым клубам краіны – барысаўскім БАТЭ.

 

У першым крузе каманды згулялі паміж сабой у Барысаве ўнічыю (1:1).

 

А 29 траўня “Нёман”  чакае галоўнае выпрабаванне года – фінал Кубка Беларусі супраць “Гомеля”.

 

Перамога ў ім дазволіць ужо гэтым летам паспрабаваць свае сілы ў Лізе Еўропы.

 

 

21 траўня. “Тарпеда”-БелАз, Жодзіна – “Нёман” 2:2

 

Фота Яраслава Ванюкевіча