Моладзь Гродзенскай дыяцэзіі аб’яднаецца ў малітве праз мабільны тэлефон

Моладзь Гродзенскай дыяцэзіі аб’яднаецца ў малітве праз мабільны тэлефон

7 кастрычніка ў 20.00 малітву на ружанцы ў Гродзенскім катэдральным касцёле ўзначаліць кс.біскуп Аляксандр Кашкевіч.

У гэты ж час моладзь збярэцца на малітву яшчэ ў чатырох касцёлах Гродзенскай дыяцэзіі: Святой Сям’і (Ліда), св.Вацлава (Ваўкавыск), св.Тэрэзы Авільскай (Шчучын), св.Міхала Арханёла (Смаргонь).

Ініцыятыва  малітоўнай акцыі зыходзіць ад душпастыра гродзенскай каталіцкай моладзі кс.Антоні Грэмза і саміх маладых каталікоў.

Кс.Антоні:

– Кожны горад у гэтай малітве будзе мець сваю таямніцу.

Сувязь будзем трымаць праз мабільны тэлефон: уключым функцыю “прэс-канферэнцыя” і  гучную сувязь.

Праз гэтую акцыю хочам заахвоціць моладзь да малітвы.

Ружанец – духоўная медытацыя над сваім жыццём, яго карэкціроўка  паводле Евангелля, жыцця  Езуса і Марыі.

Праз малітву на ружанцы мы вучымся быць Божымі людзьмі.

Кастрычнік у Каталіцкай Царкве традыцыйна прысвечаны ружанцовай малітве.

Ружанец  мае  4 часткі, у кожную з якіх уваходзіць па 5 таямніц, звязаных з падзеямі жыцця Езуса Хрыста альбо Багародзіцы.

Падчас малітвы на ружанцы вернікі разважаюць над кожнай з гэтых падзей і ў вызначаным парадку паўтараюць  малітвы “Ойча наш” і “Вітай, Марыя”