Надвор’е ў Гродзенскай вобласці наладжваецца

28 лістапада 2011 Кася Крот |

Да ўзмацнення ветру ў мінулыя суткі ў Гродзенскай вобласці прывяла рэзкая змена паветраных мас: мы знаходзіліся на перыферыі цыклона.

Сённяшняй ноччу хуткасць ветру дасягала 20-24 метра ў секунду.

У бліжэйшыя 4 дні ў Гродне чакаецца пераважна без ападкаў, на выходныя магчымыя дажджы і мокры снег.

Будзе па-ранейшаму цёпла.

Днём 1-6 градусаў цяпла, уначы -1+3.

Для канца лістапада гэта вельмі цёпла.

Пераважныя дзённыя тэмпературы для гэтага перыяду +4+5, начныя 0+1.